0 件商品

总额: $0.00

論壇

 點先算係識用膠水? 返回上一页     发表回复

KanthaYu
[楼主]
1) 做乜要用黏合劑 ( 膠水 )、密封劑?
首先要認識黏合劑 ( 膠水 )、密封劑用途
(i)黏合劑 ( 膠水 )可以令保溫材料能夠緊貼在黑鐵水管或鐵皮風管上,令保溫效能
能夠發揮最大效率使冷凍系統得到最大的能源效益。
(ii)乾透的黏合劑形成保護薄膜,使黑鐵水管和鐵皮風管免受因濕氣而導至產生銹蝕。
(iii)黏合劑 ( 膠水 )、密封劑能夠填充黑鐵水管和鐵皮風管與保溫材料之間的空隙,
杜絕濕氣聚積。
知道佢地咁多功能,咁佢地係就咪對風喉 / 凍水保溫系統好重要先!

2) 點解市面上有 D 膠水零舍快乾?
好簡單!市面上一般膠水普遍含極強毒性俗稱有 " 天拿水 "成份,揮發性又非常之快
,所以咪快乾囉!
其實香港環保署及海關已經係 2010 年初立例禁止進口呢類有極強揮發性黏合劑(膠水)
同密封劑產品。所以,依家可以係市面買到" 有天拿水成份 "產品好可能係違禁品!犯法!
而取代品係一 D 叫做含水性嘅黏合劑 ( 俗稱環保膠水 )或密封劑,雖然係合法產品
但係由於成份含水性關係所以膠水必須要較耐時間先乾!
但有好多工友貪快用埋 D 含極強毒性嘅膠水,唔單止犯例最重要係影響到自己健康添!

3) 咁點先知邊 D 係合法同啱例?
首先緊係要有符合香港環保署低 VOC (揮發性有機化合物/俗稱懸浮粒子) 產品合格試驗報告,
然後重要有齊符合香港建築署防火規格試驗報告,報告內容重要詳列產品資料添。
記住唔好貪平,要揾 D 老字號、商譽好嘅供應商咪有齊呢 D 報告囉!
除此之外重要有埋 ISO 9001國際品質質量認證工廠生產,質量咪重有保證添!

4) 工人話用左環保豬腸膠專用膠水後會黏唔實保溫?
佢地心急,環保膠水未乾;重濕漉漉就黏保溫,又點會黏得實!
其實,只要有少少耐性等多幾分鐘,等 D 環保膠水呈半乾狀態 (以不黏手為準)去黏保溫就最好!
記住,係黏既時候必須用力將保溫材料擠壓係鐵皮風管上。咁就包黏得實!
0
引用 2013-05-13 23:27

发表回复:

bChat X
成员